الفنان شادي شامل.. هاجم الفنان شادي شامل المسلسلات الرمضانية التي تصدر البلطجة وتستعرضها للجمهور.

أبرز تصريحات شادي شامل في برنامج أوضة ضلمة

وقال شادي شامل خلال لقائها مع برنامج "أوضة ضلمة" الذي تقدمه الإعلامية إنجي هشام على قناة "هي": "مستغرب أن كل المسلسلات بقت كده كلها بلطجة ويتقالك هو ده اللي في الشارع، عايز اشوف مسلسلات زي ليالي الحلمية حاجات حقيقية".

وأشار شادي شامل أنه يرفض تقديم دور الفنان باسم سمرة في فيلم "عمارة يعقوبيان": باسم ممثل عظيم ولكن أنا ممكن معرفش أعمله ولا أحبه ممكن مش دلوقتي ، يعني عادي نفسي أقدم دور سفاح مثلا".

وتحدث "شادي" عن فكرة ارتباطه بممثلة، وقال: صعب هقرفها وهضايقها لأني غيور، الشغلانة بتاعتنا فيها تأخير مواعيد".

وقال شادي شامل "أنا مع الست لو محتاجة تهتم بنفسها وتعمل بوتكس وفيلر، كما أشار شادي شامل إنه يعيش قصة حب حاليًا ولا يستطيع أن يفصح عن هويتها لأن تلك التفاصيل شخصية.

برنامج "أوضة ضلمة" تقدمه الإعلامية إنجي هشام على شاشة قناة "هي" يوميًّا في الثامنة مساءً من السبت إلى الخميس، وتستضيف من خلاله أبرز نجوم الفن والرياضة الذين يكشفون كواليس بداياتهم وأسرارًا عن حياتهم.

تصريحات سابقة لـ شادي شامل أثارت الجدل

جدير بالذكر، ظهر الفنان شادي شامل في برنامج "خلاصة الكلام" مع الإعلامية أميرة بدر، حيث كشف التفاصيل حول حياته الشخصية والفنية. 

وقال شادي شامل "أنا لبست حلق ملزوق ولكن مش خارم ودني، وأحمد رمزي كان بيلبس سلسلة ".  

وتابع "لما أصحى من النوم بحب أبص لنفسي في المراية وأدلع نفسي"، مضيفا: "والدي كان شديد وصارم لكن حنين وأولادي بيهابوني وبيفهموني من البصة".

وأوضح "اتكسرت بعد ما أبويا مات، وكنت عايز أقعد في البيت وأعيط، وأنا من الشخصيات اللي بتحب تكلم نفسها، وده طبيعي". 

واستكمل "أنا ملتزم بالصلاة، وبقصر غصب عني، وبتكلم مع ربنا وبستغفر كتير". 

وتابع "أرفض موضوع الإلحاد وقابلت ناس مهزوزين وبكلمهم بالحجة ومبدخلش في جدال مع اللي بيقولوا مفيش ربنا".