استغاث مواطن من بنك saib، بعد إرسالهم بلطجية لتهديده فى منزله، بسبب مشكلة مع البنك.
وقالت صاحب المشكلة،" بنك saib بعتلي بلطجية البيت ..من فترة وبعد إلحاح يشبه المحايلة من مبيعات البنك اخدت قرض من البنك،منها اكبر شوية الشغل وادي براح لنفسي علشان اوقات المستحقات بتتأخر،الدنيا مشيت كويس،وبعد شوية حصل ازمة سيولة،فكان قدامي اختيار اني اتأخر في اقساط البنك واتحمل الغرامة،او اتأخر في دفع مرتبات الناس،والحقيقة فضلت اني ادفع المرتبات واول ما الازمة تتحل هدفع البنك عادي".

وتابع صاحب المشكلة مع بنك saib،" للحق التأخير تجاوز شهرين ودخلنا الثالث.. مشكلة طبعاً،لكن اللي حصل من البنك تجاوز كل ما هو معقول،سيل من الاتصالات والتهديدات،في الاول تهديد بقضية وهكذا،وبعد كده الموضوع تحول لبلطجة مش اي حاجه تانية،ناس بتدعي انهم محاميين يروحوا عند البيت والشركة يكلموا البوابين وأفراد الامن وكل اللي يقابلهم ويقولوا كلام في منتهي القذارة،اتصالات بمراتي وواحد منهم بيقولها  نصاً"هو نصاب،قالتله من فضلك مش عايزه الألفاظ دي،قالها انتي لسه شفتي الفاظ؟"..ويبعتوا ناس تخبط على البيت لدرجة ان مرة واحد جه وانا مش موجود ومراتي لوحدها ،قالها أنا مش ماشي غير لما ييجي،واتصالات بقه مش شركات التحصيل اللي البنك بيستخدمهم جايب ستات شلق يردحوا للناس في التليفون،ورجالة عربجية، والموضوع وصل إنهم جابوا رقم اخت مراتي ويتصلوا بيها".

وتابع:" ده كله علشان قسطين متأخرين وبيتصل بيا حد من عندهم وبرد عادي يعني مش مختفي يعني…أنا بحكي كل ده بعد ما الأزمة خلصت ودفعت الحمد لله كل المتأخرات اللي كانت نتيجة ازمة سيولة بتحصل مع اي حد بيشتغل في السوق والفلوس بتكون متجمدة في بضاعة لان الفلوس كاش خطر كبير بسبب الارتفاعات المفاجئة للدولار…أنا بحكي ده لاني تعرضت أنا وأسرتي لعملية تشهير وترويع بواسطة بنك الناس بتتعامل معاه يومياً واللي بقوله ده زي ما حصل معايا هيحصل مع غيري، موضحة ده غير انتحال صفة"مستشار"اللي بيقولوها  وبرضه ده موثق.

وقال،" أنا هقدم شكوي لجهاز حماية المستهلك وهرفع قضية على البنك وعندي كل الأدلة اللي تثبت كلامي،محادثات واتس آب ورسائل تهديد وشهادات الناس ومش هسيب حقي..ولو هم ليهم حق عندي ياخدوه بالقانون مش بالبطلجة والتشهير، مضيفة دي دعوة لكل المتضررين من البنوك للتضامن ولازم الأسلوب ده يبقي ليه رد فعل.