كشف حسام عاشور نجم الأهلي السابق تفاصيل خلافه الشهير مع محمود عبد المنعم كهربا لاعب الاتحاد الليبي الحالي والمارد الأحمر السابق.
وقال حسام عاشور خلال تواجده ضيفًا مع عمر ربيع ياسين ببرنامجه "مان تو مان " عبر صفحته الرسمية : " حصل مشادة بيني وبين كهربا في مباراة الأهلي والزمالك في ستاد بتروسبورت ولم أتمالك نفسي وضربته بالقلم."
وتابع حسام عاشور:"الاهلي كان خسران من الزمالك 2/0 وفاكر أنها كانت مباراة نهائية وكلنا أعصابنا مشدودة مش متعودين علي الخسارة وفوجئت بيه بيقولي لفظ خارج فضربته بالقلم ".
وأضاف حسام عاشور :"ممكن نسميها نرفزة ملعب وبعدها اصتلحنا عالطول ورجعت علاقتنا كويسة".
حسام عاشور : بعتذر للكابتن محمود الخطيب و نفسى أبقى مدرب في الاهلى
أكد حسام عاشور لاعب الأهلي السابق أن أمنية حياته هي أن يصبح مدرباً للمارد الأحمر خلال الفترة المقبلة.
وقال حسام عاشور خلال تواجده ضيفًا مع عمر ربيع ياسين ببرنامجه "مان تو مان " عبر صفحته الرسمية في رسالة للكابتن محمود الخطيب رئيس النادي الاهلى: " أنا بحبك وبحترمك ..أنت قائد سفينة الاهلى ولو في سوء تصرف حصل منى بقولك أنا اسف طبعاً".
وتابع حسام عاشور:" حضرتك من الشخصيات الجميلة اللى مبتزعلش حد وعالطول واقف مع الناس كلها وربنا يشفيك من التعب الأخير".
وأضاف حسام عاشور :"طموحى أبقى مدرب في الاهلى وعندى استعداد أشتغل في أي مكان بالاهلى وأي حد يتمنى الاهلى يطلبه".
0 تعليق