تصدر هاشتاج " حق ماما منال لازم يرجع" مواقع التواصل الاجتماعي، بعد نشر ابنتها لواقعة مأساوية بعدما أنهي زوجها حياتها لمجرد طلبها الطلاق.

كما أبدت الفتاة خوفها من والدها بعد خروجه من السجن خاصة بعدما توعد لها ولشقيقاتها بإنهاء حياتهن بعد خروجه.

وقالت الفتاة،" ازاي ضرب وشتيمه وإهانة 20 سنه من غير ما يصرف قرش ماما اللي صرفت علينا وكانت بتشتغل علشان تصرف علينا ، كنا ينضرب ونتشتم ، هددنا بدل المره الف اتهددنا بالسكينة والشومه ، شوفنا ايام سوده معه احنا الخمسه ماما وتلات بنات وولد صغير ، دلوقتي بقينا أربعة بس قتل ماما قتلها ، من يوم ٢٢ /١ وماما طالعة الدور التاني طلع وراها وقفل الباب علينا أنا وأخواتي تحت طلع فوق وراها وقتلها ، شهر كامل ماما بتموت في المستشفى مرتين تدخل عمليات نزيف علي المخ وشالو عضمه من الجمجه وركبو درنقه داخليه  لحد ما ماتت ماما يوم ٢/٢٣ وفي الاخر اللي قتلها اللي هو مفروض جوزها قتلها علشان هي لما خدت قرار الانفصال بعد ٢٠ سنه ضرب واهانه قرر يموتها وفي الاخر ياخد ٧ سنين ، سبع سنين في قضيه قتل وبعد عشرين سنه ضرب واهانه وشتيمة.

وتابعت "ازاي ده عدل ازاي 7 سنين ، ده لو طلع حالف أن يموتنا  أنا وأخواتي حالف أن محدش مننا يعيش قالنا هطلعكو علي نقاله انتو الخمسه ، اول واحده مننا طلعت مستنين ايه احنا الأربعة برضو نطلع وراها، ارجوكم حق ماما لازم يرجع ارجوكم شيرو في كل مكان أن حق منال لازم يرجع ،،ازاى ضرب افضي الى موت وهو مبيت النية وهددنا بدل المره ألف بالقتل وأرب شهود جيران غيرنا شهدو انه على طول بيهدد بالقتل ".