دافعت النجمة القديرة شهيرة عن الفنانة مي فاروق وزوجها الفنان محمد العمروسي، بعد حفل زفافهما الأخير وتعرضهما لسيل من الانتقادات والتعليقات السخيفة، موضحة أن ما حدث ليس جرماً، وأنه لا أحد وصياً عليهما، ونشرت شهيرة صورة للعروسين متبوعة بتعليق.
وكتبت شهيرة عبر حسابها الرسمي على فيسبوك في منشور معلقة على ما يحدث قائلة: "السلام عليكم ورحمة الله وبركاته بألقي السلام عليكم في الأول لأن نفسي يبقي فيه بينا سلام أيوه سلام نفسي بين الناس وبعضها، وبين الناس المتنمرين والشتامين للفنانين بالأخص هو أنتم ايه مشكلتكم ؟!! تطاول عمال علي بطال وبدون سبب ؟؟ والتدخل في حياتنا الشخصية بدون وجه حق نفسي من فتره طويلة أتكلم في الموضوع إلي أن وجدت الفرصة الذهبية اللي حمستني وأستفزتني وهو فرح الجميلة مي فاروق".
الفرحة ليست جرماً
وأضافت شهيرة: "ايه الجرم اللي عملته عشان عايزه تفرح هي وعريسها مالكم أنتم تعمل فرح ولا متعملش ولادها فرحانين ولا مش فرحانين مالكم أنتم أوصياء عليهم، ايه الرخامة دي هو أنتم عايزين تلطشوا فينا عشان نفسيتكم تستريح طيب ماتروحوا لدكتور نفسي يريحكم، وهيلاقي حل أكيد لكمية الحقد والغل والسواد اللي مالي قلوبكم طيب أنتوا بتقولوا أحنا مابنخفش من ربنا ماشي خافوا أنتم منه وأتقوا الله في لسانكم هتعملوا أيه يوم الحساب ؟!! يللي بتعرفوا ربنا طيب الحديث اللي بيقول (هل يكب الناس في النار علي وجوههم إلا حصائد ألسنتهم) والآية اللي بتقول أيحب أحدكم أن يأكل لحم أخيه ميتا فكرهتموه) ايه موقفكم من الكلام ده".
تناقض غريب وعجيب
وتابعت: "ياللي بتعرفوا ربنا هتتشدوا كده من لسانكم علي النار بسبب تطاولكم وجرحكم لناس معملوش حاجه غير أنهم اتجوزوا علي سنة الله ورسوله وأعلنوا عن زواجهم طريقتهم مش عجبتكم أنتوا مالكم ما كل واحد حر في حياته يحتفل ويفرح براحته عيب والله تضايقوا ناس فرحانه وتقرفوهم كده الست ياعيني في مداخله مستغربة من ردود أفعال المتنمرين والشتامين المهم الناس دي لو شافوا فنان في أي مكان يجروا وراه بالمشوار ممكن صوره ممكن سلفي، أيه التناقض العجيب ده والله دايما أقول بيحبوا الفن والفنانين لدرجه الكره( الكراهيه) بأدعي لربنا أن الناس دي تروح تتعالج مش كلام بجد والله لأن حسابكم بعد كده عسير وبتاخدوا برضه مننا دعوات حلو.
تهنئة العروسين
وختمت شهيرة منشورها قائلة: "عايزة أهني مي والعمروسي بزفافهم وبليلتهم اللي كانت أكتر من رائعة بروحكم الحلوة وحب كل الموجودين لكم يارب العمر كله بالسعادة والهناء..والسلام عليكم أنهي البوست بتاعي بألقاء السلام عليكم لكي يعم السلام والمحبة بين الناس".:
زواج مي فاروق ومحمد العمروسي
وفي وقت سابق احتفلت الفنانة مي فاروق بزفافها على الفنان محمد العمروسي في حفل راقٍ أقيم بأحد الفنادق الكبرى المطلة على نيل القاهرة، وسط حضور عدد كبير من نجوم الفن والأصدقاء المقربين، وجاء هذا الحدث السعيد تتويجًا لقصة حب جمعت بين النجمين على مدار عام كامل.
وشاركت مي فاروق عبر حسابها على "إنستجرام" مجموعة من الصور التي وثقت لحظات عقد القران والزفاف، حيث ظهرت بفستان أبيض أنيق خطف الأنظار. وسرعان ما انهالت عليها التهاني والتبريكات من زملائها في الوسط الفني والجمهور.
قصة تعارف مي فاروق ومحمد العمروسي
بدأت قصة الحب بين مي فاروق ومحمد العمروسي بلقاء صدفة أثناء حضورهما حفل زفاف المخرجة بتول عرفة. وفي موقف طريف، قدم العمروسي مروحة يدوية لمي فاروق لتخفيف حرارة الجو، لتبدأ بينهما محادثة عادية تحولت تدريجيًا إلى علاقة صداقة، ثم خطوبة، وصولًا إلى الزواج.
0 تعليق