قالت والدة سارة المجني عليها بعد انتهاء جلسة استئناف قاتل ابنتها إن بهاء يدعي أنها مريض نفسي، ولكن والله العظيم هو كداب والله كداب، هو بيمثل انا عارفه كويس دا كان بيقعد معانا وبيتكلم وبيضحك وعاقل ولكن دا اكيد اتفاق علشان يطلع من السجن، حسبي الله ونعم الوكيل.

واستكملت والدة المجني عليها أننا مش عارفين ننام ومحدش حاسس بينا، انا جوايا نار من يوم ما بنتي اتقتلت، بنتي سارة كانت ملاك عمرها ما زعلته ولا جت عليها، وهو بيكدب بنتي مضربتوش ولا عملت معاه اي حاجه وحشه، وحصلت مشاكل عدة بينهم بس كانت عايز تحافظ علي بيتها.

كشفت الأم المكلومة أن قاتل ابنتها عازم ومبيت النية لقتلها، ومفيش حباية جنسية ولا حاجة، هو  كان عايز يقتلها ، ووضحت الام من خلال بث مباشر لمصر تايمز ان ابنتها كانت زعلان في بيت ابوها، وهو جاء وصالحها وخدها  لبيتهم، ومكناش نعرف أنه مبيت النية ليه وعازم علي قتلها، ياريتني كنت خليتك يا بنتي، بس مكناش نعرف أنه هيقتلها.