حالة من الجدل أثارها إعلان شركة العربي بسبب فكرة الإعلان التى تدور حول الأم والإفطار ولمة العيلة.

وهاجم عدد كبير من  رواد مواقع التواصل الاجتماعي فكرة الإعلان والأغنية فهناك من قال" حسبي الله ونعم الوكيل اعلان العربي لازم يتلغي.. ليه تفكروا اللي فقدوا امهاتهم بالطريقة دي و في اول رمضان".

وتابعت أخري،" العربي بجد ربنا يسامحكم على اللي عملتوه فينا واحنا ملصمين نفسنا بطلوع الروح اول يوم من غير امهاتنا كده!!
انتوا كملتوا علينا ..ربنا يخلي كل ام في حياة ولادها وعيد ام ولمة وكله فاهمين ..بس انتوا معندكوش ريحة الدم والاحساس 
العمر كله يعني ماما اللي مبقتش موجوده مش رمضان بتاعكم وبس ".

وتابعت سيدة أخري،" إعلان "رمضان يعني ماما" لشركة العربي بشوفه مؤذي نفسيًا جدًا لانه بيحاول يلعب على المشاعر وبيربط رمضان بوجود الأم فقط وده بيستبعد شريحة كبيرة من الناس اللي فقدوا أمهاتهم أو اللي عندهم ظروف تبعدهم عنها حتى اللي عايشين مع أمهاتهم ممكن الإعلان يوجعهم لمجرد تخيل وجع شخص قريب منهم بسبب الاعلان لانه حقيقة بيدوس على الجرح طول الاعلان ومجمع كل تفصيلة مع الام. الفكرة هنا إن أي إعلان عاطفي لازم يكون مدروس نفسيًا لأن اللعب على المشاعر سلاح ذو حدين.

وتابعت،" لما توصل رسالة بتفكر الناس بحاجة مؤلمة بدل ما تخليهم يرتبطوا ارتباط ايجابي بالمنتج هتخليهم ينفروا منه نفسيًا وهيحصل رد فعل عكسي الإعلانات الناجحة هي اللي بتحتوي كل الفئات مش اللي بتركز على فئة معينة بس وتستبعد غيرها.
مشاعر الناس مش وسيلة للتسويق والاعلانات!! ربنا يبارك في عمر و صحة كل أم موجوده ويرحم كل أم في الجنه إن شاء الله اعلان توشيبا العربي لازم يتوقف الاعلان موجع بطريقه وحشه للأسف ".