آثارت الفنانة منه فضالي الجدل خلال الساعات القليلة الماضية، وذلك بعدما وجهت رسالة لـ المخرج محمد سامي بعد قرار اعتزالة الدراما والإخراج التلفزيوني.
رسالة منه فضالي لـ محمد سامي بعد قرار اعتزالة
ونشرت منه فضالي صوره تجمعها بالمخرج محمد سامي، وذلك من خلال حسابها الرسمي عبر موقع التواصل الاجتماعي فيسبوك، وكتبت: "محمد سامي انت صاحبي و اخويا غير انك مخرج شاطر بجد وعملت اعمال كتير جدا ناجحه .. ربنا يكتبلك الخير و النجاح دايما في خطواتك اللي جايه وانا سعيده بجد اني كنت معاك في كذا عمل ليك و دايما بطلع غير كل سنه".
وأضافت:" أنا بحبك جدا علي المستوي الشخصي لأننا عشره عارفه اني حتشتم و هتهاجم بعد البوست ده بس انا متعوده لان دايما الناجح بيتحارب".
وأختتمت: "بحبك يا سمسم".
اعتزال محمد سامي
وقال محمد سامي عبر منشور على صفحته الرسمية على فيسبوك: “وداعا الدراما التلفزيونية.. السنه دي كانت آخر أعمالي التلفزيونية، واللي فيها بودع المسلسلات، رحلة طويلة حولي ١٥ سنة، قدمت فيهم كل اللي قدرت عليه لإسعاد الجمهور العربي ، وحققت بفضل ربنا نجاحات مع نجوم كتير و مع شركات و قنوات كلها مهمة”.
وأضاف محمد سامي: “وكان دايما الجمهور بيشجعني، سواء بردود الأفعال أو بتصويته ليا في الجوائز، و أي نجاح حققته كان بفضل ربنا و الجمهور ، يمكن المقربين ليا عارفين إني واخد القرار ده من فترة وهو إعتزال الإخراج التلفزيوني و لكن كنت بنتهي من إلتزامات موقعة مع شركات و نجوم و الحمد لله إنتهيت منها وكان أخرها 2025”.
وتابع محمد سامي: “معنديش حاجة أكتر أقدر أقدمها في التلفزيون، وخايف من تشبع الجمهور من أسلوبي و من الوقوع في فخ التكرار و دائرة المتوقع والملل، والوحيد القادر علي الدوام هو الله وحده ، الحمد لله أخر عملين ليا إش إش و سيد الناس حققوا نجاح أنا سعيد بيه، كل يوم بلدي العظيمة مصر بتطلع صناع جداد موهوبين و مثقفين و يقدروا يقدموا أفضل من اللي قبلهم وهنفضل طول الوقت بنقدم أعمال مصرية يلتف حولها الجمهور العربي”.
واختتم: “مقتنع إن الشخص يقدر في أي وقت يقرر يوقف حاجه بيحبها عشان يعمل حاجة تانية بيحبها برضه و عايز يجربها بس محتاج عيلة تسانده علي إتخاذ قراره، كل التوفيق لكل زمايلي و بحبكم و بشكركم علي سنين المنافسة الجميلة اللي عملت أسمائنا كلنا وأتمني لنفسي التوفيق في الخطوة الجديدة”.
0 تعليق