حقق المؤلف محمود حمدان نجاح كبير في الفترة الأخيرة، وذلك بعد تقديمه مسلسل فهد البطل بطولة الفنان أحمد العوضي، الذي حقق نجاح كبير وقت عرضه ضمن مسلسلات رمضان 2025.

وكشف محمود حمدان في تصريحات خاصة لـ "مصر تايمز" عن الأعمال التي يقوم بتحضيرها في الفترة المقبلة، وعن نجاح مسلسل فهد البطل، كما أبدي رأيه في مسابقات مسلسل فهد البطل. 

وقال محمود حمدان: "حالياً بجهز لأكثر من عمل جديد، لكن لسه ما تحددش مواعيد عرضهم، سواء في الأوف سيزون أو في توقيت تاني". 
وأضاف:"بالنسبة لمسلسل فهد البطل، الحمد لله، كنت متوقع إن الشخصية تحقق نجاح، لكن ماكنتش متخيل إنها توصل للدرجة دي من التفاعل". 

وتابع: "المجهود اللي اتبذل من كل فريق العمل – من إخراج وتمثيل وكتابة – كان كبير جداً، وكلنا اشتغلنا بإخلاص، وكنت واثق إن ربنا هيكافئ الاجتهاد ده". 
وتابع:"سعيد جداً بردود أفعال الناس، وتعاطفهم مع الشخصية بالشكل ده خلاني حاسس إن الشغل لمس قلوبهم فعلاً". 

وأستكمل" أما عن موضوع المسابقات، فأحمد العوضي بيقدّم شغل حلو والجمهور بيتفاعل، وده شيء جميل، لكن في رأيي المسابقات مش هي اللي بتنجّح العمل". 
وقال: "الجمهور بقى أذكى من كده، وبيبقى عايز يشوف محتوى قوي ومهم، لأن محدش بقى مستعد يضيّع وقته على حاجة مش حقيقية أو مش مؤثرة، الناس بتدور على قصة تشدّهم وتحسّسهم إن في قيمة في اللي بيتقدملهم". 

وأختتم حديثه:" وإن شاء الله يكون في تعاون جديد قريب مع ياسر العوضي، لأن التجربة اللي فاتت كانت ناجحة ومميزة جدًا".