كشفت تحقيقات النيابة العامة عن تفاصيل مثيرة في واقعة تعدي طبيب أمراض جلديه، على فتاة داخل عيادته في منطقة التجمع الأول.
وجاءت نص أقوال المتهم طبيب امراض جلديه كالأت: الاسم: جمال م.ه.، 68 سنة، المهنة استاذ جامعي بكلية طب.
س ما قولك فيما هو منسوب الي متهم بهتك عرض المجنى عليها كاثرين ج . بالقوه بان قمت بامساك موطن عفتها بغير رضائها؟
ج : محصلش.
س: ما الذي حدث اذا ؟
ج : اللي حصل اني انا شغال في جامعة الأزهراستاذ دكتور جلدية و شغال في مركز طبي في مدينتي في عيادة دكتور جلدية ومواعيدي يوم السبت والثلاثاء وبداية تعارف بالمدعوة /كاثرين.ج. من حوالي اربع شهور، كانت جتلى دخلت كمريضة جلدية وعندها انواع حساسية موجودة في الوجهه والصدر والظهر وأول ما جتلى قالت لي انا تعبانة.
طبيب التجمع
وتابع، اول مرة كشفت عليها لانها كان عندها حساسية في الظهر والوش والصدر والكشف بيتم عن طريق ان انا بكشف في المكان اللى عليها المرض في الوجة الظهر ومنطقة اعلى الصدر اسفل الرقبة بتحسس مكان المرض ومتذكر اني عملت كدا فعلا لمل جاتلي اول مره و بعد ما كشفت عليها ووصفتلها الأدوية ساعتها قالتلى انها بتاخد ادوية نفسية واذا كانت دى هتتعارض مع الأدوية اللى انا كتبتها لها ولا لا قولتلها لا مش متعارضة لان معظمها كريمات مش ادوية تتعارض مع الأدوية النفسية اللي بتاخدها وساعتها قولتلها لو ملقتيش الدواء اللي انا وصفهولك دا رقمي وكلميني لو مدكيش الدواء واداكى بديل وانصرفت".
طبيب أمراض جلديه
وأضاف، بعد أسبوعين جتلى تاني لأنها من حقها تعمل مراجعة بعدها باسبوعين ولما جتلى كشفت مجددا زى المرة الأولى وكشفت عليها وتحسست كل الاماكن اللي مصابة زى الوجة والوش واعلى الصدر زي اول مره ولقيتها تحسنت بالفعل وبعد ما وصفتلها العلاج وقولتلها ان حالتها تحسنت ومشيت والزيارة اللى بعدها جت العيادة بالفعل ولكن لقت انها مشيت وكلمتنى على تطبيق الواتس وقالتلي اعمل حجز وعملتها حجز وجت بالفعل وقولتلهم في العيادة خليها تتدخل الغرفه علطول اول ما تيجي علشان متعمليش مشاكل وكان معاية الحكيمة ساعتها والست لما المشكلة قالتلي انا طلعالي حبوب في ايدي عيزاك تشوفها وقولتلها الحبوب دى محتاجة جلسة كي كهربي هتعميلها قالتي ماشي وقولت للممرضة جهزي الكي الكهربى والممرضة جابت الجهاز والمريضة طلعت على سرير الكشف ونامت على ظهرها وكانت لابسة توب بحمالة ومن تحت جبيبة طويلة لحد رجليها فقولت للممرضة هاتي الملاية علشان تغطيها ومسكت الجهاز واشتغلت في ايديها والممرضة موجودة وعملت ايدها بالفعل بالكي الكهربائي وخلصت كلة ورجعت على مكتبي وبعديها الممرضه خدت الأجهزه و طلعت بره و جت تاني.
طبيب أمراض جلديه
وأستطرد، وانا قاعد لقيتها بتشتكى بتقول عندها طفح جلدى في منطقة الظهر والمنطقة اللى فوق الصدر وقومتلها وتوجهت ليها والمريضة عدلت ظهرها علشان توريني الطفح الجلدى والممرضة شالت الجهاز ووضعتة في غرفة تاني ورجعت وهيا كانت موجودة في ظل منا بكشف عليها، وبعدها كشفت أعلي الصدر بعدين قولت اشوف اذا كان صدرها فيه أي امراض ولا لأ وبالفعل لقيت في أحمرار ولمست مكان حساس من جسدها.
0 تعليق