كشفت تحقيقات النيابة العامة بالقاهرة الجديدة، عن تفاصيل مثيرة في واقعة اتهام طبيب جلديه بالتعدي على مريضة وهتك عرضها داخل عيادته.

وكشف أمر الإحالة في القضية رقم ٩٠٦٥ لسنة ٢٠٢٤ جنح التجمع الاول، عن اقوال الضحية التي اكدت، أنها كانت تعاني من مرض جلدي وذهبت إلى الطبيب المعالج وبعدها تم إعادة الكشف يوم 15/5.

واضافت الضحية، في التحيقات، لما روحت كان فيه ناس كتيرة مستنية في العيادة، انا حسيت اني هتاخر فسالتهم انا هاخد وقت كبير ولا لا فهم قالولي ان فيه ناس قليلة قبليك، رحت  انا قولتلهم همشي عشان ورايا معاد تاني ولكن لقيت ان الدنيا زحمة جدا فمشيت وبعت للعيادة اني هاجي الاسبوع الجاي وبالفعل روحت يوم ٢٠٢٤/٥/٢١ لما دخلت العيادة روحت الريسيبشن وقولتلهم اني عندي معاد واستنيت لحد ما دوري جه دخلت الأوضة اللي فيها الدكتور هو كان لوحده واول لما دخلت قاللى انا حاطك في اول الكشف وانتي اولوية بالنسبالي وانا حبيت اشوفك الاول، وقولتله ":انا معنديش اي مواعيد النهاردة ومكنش لازم تعمل كده فرد عليا وقاللي انتي مش مريضة عادية عندي انتي مهمة اوي بالنسبالي وده كان كلام غريب اوي بالنسبالي وطلب مني اني اقعد علي السرير وقولتله اني ظهر عندي مشاكل تانية حبوب في كف ايدي ومش عارفة اعمل ايه.

وتابعت، بدأ الطبيب يفحص ايدي فاقترح اني اجي اعمل ايدي واعالجها وقت تاني، قولتله لا لازم اعالجها عشان فيها الم جامد فقالي لا عشان اعالجها هندخل غرفة تانيه هنا عشان نعمل عليها كي وطلب مني اني افضل مستريحة في الاستراحة لحد ما يجهزوا الغرفة ده عشان نروح وبالفعل طلعت وفضلت مستنياه لمدة ربع ساعة في الريسيبشن لحد ما جات واحدة من التمريض قالتلي الغرفة جاهزة واتفضلي ادخلي ولما دخلت الممرضة دخلت معايا الاوضة وطلبت مني اني انام علي السرير الطبي.