وجّه أحمد حسام "ميدو"، عضو لجنة التخطيط بنادي الزمالك، انتقادات لاذعة لبعض المسؤولين عن إدارة كرة القدم في مصر، دون أن يذكر أسماء بعينها، مكتفيًا بالتلميح إلى وجود ممارسات خاطئة تضر بمبدأ العدالة وتكافؤ الفرص بين الأندية.

وكتب ميدو عبر حسابه الرسمي بـ "X": "دوري فاشل ومن سيئ إلى أسوأ ومنتخبات ضعيفة مافيهاش ولا لاعيب هيكمل ويلعب منتخب أول.

وأكمل ميدو : " ومدربين مالهومش أي علاقة بعلم التدريب الحديث وجمهور معظمه مشحون في أتوبيسات تبع أحزاب سياسية وإعلاميين بيطبلوا للاعيبة بعينهم علشان ولاد ناس مهمين وكورة بصراحة معفنة مالهاش أي علاقة بالكورة اللي بنتفرج عليها في كل حتة في العالم".

وأردف : "أحلى حاجه إن بعض الإعلاميين والمسؤولين بيعتبوا على الجمهور ليه مابيروحوش ماتشات المنتخبات فاكرين الجمهور عبيط ومش دريان بكم الفساد والمجاملات اللي موجود في الكورة في مصر".

وأختتم : "اللي انتوا ماتعرفهوش إن عندنا جيل جديد بالكامل غير مهتم بمتابعة الدوري المصري من الأساس ومابيتفرجش عليه ولا مهتم بأخباره ولا يعرف أسامي اللاعيبة اللي بتلعب في المنتخب من الأساس إلا اتنين أو ثلاث لاعيبة".