تحدثت الفنانة انتصار عن كواليس تعاونها مع الفنانة شيماء سيف في مسلسل "إش إش"، رغم الخلاف الذي نشب بينهما خلال برنامج "نفسنة"، مؤكدة أنها احتوت الموقف وتجاوزت الأزمة.

وخلال لقائها في برنامج "تفاعلكم" على قناة العربية، أوضحت انتصار قائلة:"أول ما شفتها سلّمت عليها، ومخّلتش الموضوع ياخد أكبر من حجمه.. أنا هاعتبر كلامها في البرامج قلة خبرة، وإنها سمحت للمذيعين يوقعوها في الكلام عن زميلتها. الاحترافية تعني أنك تكوني كتومة على مشاكل العمل، لأن مفيش شغل في الدنيا من غير مشاكل."

وأضافت:"بعدها فتحنا الموضوع، وقالت إنها مكنتش عايزة تتكلم لكن المذيعين والإعداد ضغطوا عليها. فبكده المشكلة طلعت مش فيها، بل في المذيعين اللي بيدوروا على الإثارة."