نظم عدد من ملاك مشروع زهرة معمار المرشدي ، وقفة احتجاجية لمطالبة الشركة بإعلان موعد تسليمهم بعد 5 سنوات من المماطلة وعدم انتهاء المشروع على حد قولهم ، وقاموا بنشر صور للمشروع رغم الإعلانات التى تروج لها الشركة .
واستغاث عدد كبير من الملاك والمتعاملين مع شركة معمار المرشدي من تأخر الشركة فى تسليم مشروعاتهم كما حدث فى مشروع زهرة.
شركة معمار المرشدي
وقال أحد الملاك وهو مستثمر سعودي فى فيديو بثه عبر السوشيال ميديا" الشركة من الشركات الكبرى فى مصر ولكنها متأخرة فى التسليم بمشروع زهرة الساحل الشمالي رغم مرور 4 سنين من التعاقد وعايزين نعرف هنستلم امتى ولا م الشركة تطلع ترد".
وقال مالك اخر بالشركة محذرا من التعامل معها، "تجربتي مع المرشدي عند شراء شاليه في زهره طبعا السيلز عمل ليه البحر طحينه بمعني أسلوب وخدمه سبع نجوم ووصف ليه زهره علي انها قطعه من الجنة قال خدمات عباره عن كريستال لاجون صالحه للسباحه والاكوابارك وجولف كار وواجهه بانوراما وست شواطئ علي طول اربع كيلوا وبعد الشراء ما فيش اي حد من الشركه عايز يتكلم معاك أساسا وأسلوب سيء جدا وإلغاء في الخدمات كل شهر خدمه لحد ما وصلت زهره انها تكون مساكن الأنفوشي وياريت تسلم في المعاد لأ متاخره سنين فعلًا الشركه خلتني اكره اي شركات عقارات أساسا".
وتابع اخر" الشركة مش فالحة غير في الاعلانات بس غير كده ما فيش تسليم وفيه تأخير".
وقال اخر " اللى عايز يضيع فلوسه يروح يشترى من معمار المرشدى اى مشروع عموما بسم الله ما شاء الله مفيش مشروع عنده كمل ف معاده شركه ولا عندها خطه ولا بتفكر اصلا المرشدى شركه اعلانات ملهاش علاقه بالعقارات".
واستعرض شخص آخر مشكلته قائلا" احنا تعاقدنا من سنة ٢٠٢٠ ودفعنا كل الأقساط في ميعادها ودفعات الاستلام والصيانة وفات علي ميعاد التسليم اكتر من سنه و حتي الان لم يتم بناء الوحدة ولا عارفين ناخد رد او افاده من الشركة بموعد الاستلام . ربنا يسترها وتكمل علي خير " .
0 تعليق